Eyni "WhatsApp"da 2 hesab istifadə edilə biləcək!

Bir telefonda iki “WhatsApp”dan istifadə etməyə imkan verən funksiya bir müddətdir ki, sınaqdan keçirilir. Nəhayət gözlənilən funksiya istifadəçilərin istifadəsinə verilir.

Android üçün ən son WhatsApp beta yeniləməsi (2.23.17.8) birdən çox hesab əlavə etmək seçimini gətirir. Yeni menyu həmçinin hesablar arasındakı keçidi asanlaşdırır. Söhbətlər və bildirişlər hər bir hesab üçün ayrıca olacaq.  “WhatsApp”ın çox hesablı funksiyası sayəsində bir telefona iki proqram yükləmək lazım deyil.

Eyni telefonda iki “WhatsApp”dan necə istifadə etmək olar?

Addım-addım baxaq:

- "WhatsApp"ı açın;

- Parametrlərə toxunun;

- Yuxarıdakı profil şəklinin yanındakı ox işarəsinə toxunun;

- “Hesab əlavə et” üzərinə klikləyin.

“WhatsApp”ın yeni funksiyası işgüzar və şəxsi söhbətlər üçün ayrıca hesablardan istifadə edən insanlar üçün çox faydalıdır. Proqramı tərk etmədən iki hesabdan da istifadə edirlər.