Qolbaqlar

Xiaomi Mi Band

Fitnes qolbaq dedikdə Xiaomi Mi Band ən tanınmış modellərdir deyə bilərik. Xiaomi şirkəti fitnes qolbaq və smart saat ekosistemi daha yeni formalaşarkən öz məhsullarını istifadəçilərə təqdim edirdi. Elə bu səbəbdən hal-hazırda ən bilinən fitnes qolbaq markası Xiaomi-dir. Xiaomi şirkəti Mi Band seriyası ilə çox böyük məhşurluq qazandı. Hal-hazırda Mi Band 6 seriyası ilə istifadəçilərə bir çox seçim verərkən bu il ərzində Mi Band 7-ni təqdim etməyə hazırlaşır. Xiaomi-nin bu cihazlarının ən böyük üstünlüyü həm amoled ekran olması, həm də bir çox idman rejimini dəstəkləməsidir.Həfif olmasından başqa dizaynı ilə də sevilən Mi Band seriyası ölkəmizdə də bir xeyli tanınır. Büdcə dostu model olması ilə birliktə ölkəmizdə yeni satışa çıxdığı vaxtlar 80-90 azn civarında satılırlar. İndi isə 50-60 azn civarında Mi Band 6 qolbaqlarını almaq mümkündür. Xiaomi-nin bu cihazlarına olan tələbin yüksək olduğunu görən digər markalar da artıq öz smart qolbaqlarını istehsal etməyə başlayıblar. Bir çox çinli marka artıq burada müəyyən bir paya sahibdir.

Samsung Galaxy Fit

Fitnes qolbaqlarına olan yüksək tələbi görən Samsung şirkəti də bu ekosistemin bir parçası oldu. Çinli markaların dominantlıq etdiyi bu bazarda Samsung Galaxy Fit modeli ilə istifadəçilərə alternativ bir variyant təklif etdi. Həm android, həm də ios ilə bluetooth üzərindən problemsiz əlaqə qura bilən Galaxy Fit fitnes qolbaqları ağıllı bildiriş sisteminə malikdir. Xüsusilə Galaxy smartfonları ilə sinxron işləyən bu fitnes qolbaqlar bir çox idman rejimini dəstəkləyir. Bu qolbağın 10 metr dərinlikdə suya qarşı dayanıqlılığı mövcuddur. Beləliklə istifadəçilər üzərkən qolbağın problemsiz işləyəcəyindən əmin ola bilərlər. Lakin digər markalara nəzərən bu fitnes qolbaqlarının kəmərlərini dəyişdirmək mümkün deyil. Bu səbəbdən Samsung istifadəçilərə bir neçə kəmər növü olan modellər təqdim edir. İstifadəçilər istədiyi rəngi seçərək uzun müddət istifadə edə bilirlər. Galaxy Fit qolbağının bir digər maraqlı funksiyası insan bədənində su və kofein miqdarını təyin edə bilməsidir. Hətta istifadəçilərin yuxu rejimlərini analiz edərək az və ya çox yatdıqları vaxt onlara bildiriş göndərə bilir. Əlavə olaraq istifadəçinin hərəkətlərini izləyərək gün ərzində nə qədər kalori itirdiyini də bildirə bilir.

Huawei Honor Band

Huawei Honor markası da öz fitnes qolbaqları ilə mükəmməl seçimlərdən biri hesab olunur. Hal-hazırda Honor Band 6 modeli ilə istifadəçilərə bir çox imkan verən Huawei şirkəti növbəti modellər üzərində işləyir. Bu fitnes qolbağı 14 gün ərzində batareya saxlaya bilir. 24 saat işləyən ağıllı analiz funksiyası ilə ürək ritmindəki pozğunluğu belə təyin edə bilir. Əlavə olaraq 1.47 düym olan Amoled ekran ilə təchiz olunub. Bu da fitnes qolbağın həm daha az enerji istifadə etməsinə, həm də daha canlı rənglər göstərməsinə səbəb olur. Qolbağda hal-hazırda 10 ədəd idman rejimi mövcuddur. Huawei bildirir ki, bu qolbağı sadəcə 10 dəqiqə şarj edərək 3 gün istifadə etmək mümkündür. Həmçinin 10 gün ərzində qolbağın bütün funksiyalarını istifadə etsəniz belə batareya qənaət rejimi ilə sizi bir xeyli məmnun edəcək. Fitnes qolbağın bir digər üstün cəhəti odur ki, idman edərkən rejimləri özünüzün seçməsinə gərək yoxdur. İdman tipindən aslı olaraq qolbal özü avtomatik təyin edə bilir və beləliklə həmin idman üzrə müəyyən ölçümlər aparır.

 

Apple WatchSamsung Galaxy WatchXiaomi RedmiHuawei WatchAmazfitRealme