"WhatsApp"ın Android versiyasının dizaynı dəyişir: iOS kimi olacaq

"WhatsApp"ın Android versiyasının dizaynı dəyişir: iOS kimi olacaq

Populyar mesajlaşma platforması “WhatsApp”ın Android versiyasının dizaynı dəyişir. WABetaInfo proqramın 2.23.8.4 nömrəli beta versiyasında görünən interfeys yeniləməsinin ilk şəkillərini paylaşıb. Yayımlanan şəkillərdən də göründüyü kimi, “WhatsApp”ın Android versiyası artıq iOS versiyasına bənzəyir. Əsas ekranın aşağı hissəsində yeni naviqasiya paneli var. Bu həll istifadəçilərin bölmələr arasında keçidini asanlaşdıracaq.

İstifadəçilər interfeysdə yenilik istəyirdilər

Android istifadəçiləri son bir neçə ildir ki, proqramın yenidən dizaynını tələb edirlər. İstifadəçilər xüsusilə "iOS"dakı interfeysin Android versiyasında da istifadə olunmasını istəyirdilər. Şirkət rəyləri nəzərə alıb, buna biganə qalmayıb.

Yeni interfeys hazırda bəzi beta testçiləri üçün əlçatandır. Onun bütün Android istifadəçilərinə nə vaxt çatacağı hələlik bəlli deyil. Adətən testlər bir neçə həftə ərzində tamamlanır. Ona görə də çox gözləməli olmayacağıq.

Şərhlər

Ads by Google