WhatsApp mesajlarına smaylik ilə reaksiya vermək mümkün olacaq

 WhatsApp-ın Beta versiyasında artıq mesajlara smaylik ilə reaksiya vermək mümkün olub. Yeni funksiya növbəti yenilənmələrdə hər kəs üçün istifadəyə veriləcək.

 Meta şirkətinə məxsus WhatsApp hər ötən gün daha çox təkmilləşdirilir. Yeni funksiyaları hər zaman Beta versiyada təqdim edən tətbiqin yeni Beta versiyası yayımlanıb. WABetaİnfo tərəfindən paylaşılan məlumata görə WhatsApp-ın yeni 2.22.83 Beta versiyasında artıq bu funksiya istifadəyə verilib. Bu funksiya hələki limitli sayda istifadəçi üçün aktivləşdirilib. Beləliklə istifadəçilər yazılan mesajlara altı ədəd smaylik ilə reaksiya bildirə biləcək. Bura daxildir: Bəyən, Ürək, Gülüş, Təəccüb, Qəmgin və Təşəkkür. İstifadəçilər bu 6 smaylikdən biri ilə istənilən mesaja reaksiya bildirə biləcək. Limit hələki 6 smaylik ilə olsa da növbəti yenilənmələrdə bütün smayliklərin istifadə ediləcəyi gözlənilir.

 Qeyd edək ki, şirkət bu funksiyanı ilk öncə Facebook Messenger üçün gətirmişdi. İlk əvvəl limitli sayda smaylik dəstəyi olsa da sonralar bütün smayliklərdən reaksiya kimi istifadə etmək mümkün hala gəldi. Növbəti etapda bu funksiya Instagram üçün istifadəyə verildi. İndi isə WhatsApp üçün gəlir.