Covid-19 virusu səbəbilə tullantı olan milyonlarla maska elm adamları tərəfindən Litium-ion batareyalara çevriləcək. 2020 ilində edilən araşdırmaya görə hər ay 129 milyard qoruyucu maska istifadə edilir. İndi isə elm adamları tullantıya çevrilən bu maskaları daha faydalı şəkildə istifadə etməyi planlayır.

    Tullantı maskalardan aşağı qiymətli, effektiv və elastik batareyaların hazırlanması üçün yeni metod kəşf edilib. Təmizlənən tullantı maskalar qrafendən hazırlanan mürəkkəbə batırılıqdan sonra 140 dərəcədə isidilir. Sonra isə batareyanın elektrodları olan  keçirici piltələrə çevrilir. Bu metodla tullantı maskalardan batareyalar əldə etmək mümkün olub.

    Həmçinin bu metoddan istifadə edən elm adamları 99.7 Wh/kq enerji dəyərinə çata biliblər. Bu da bir xeyli uğurlu nəticədir. Lakin elm adamları elektrodlara kalsium-kobalt nanoparçacıkları əlavə edərək 208 Wh/kq enerji dəyərinə çata biliblər. Beləliklə yeni metodla tullantı maskalardan batareya əldə olunması uğurlu bir metod kimi qəbul edilib.

    Qeyd edək ki, hal-hazırda dünya istehsalatında batareya qıtlığı yaşanır. Bunun əsas səbəbi isə batareyanın hazırlanması üçün lazım olan mədənlərin yavaş-yavaş tükənməsi və ölkələr arası münasibətlərin pisləşməsidir. Bu səbəbdən analitiklər bildirir ki, əgər batareya hazırlamaq üçün yeni metodlar tapılmazsa gələcəkdə çox böyük problemlərlə üzləşə bilərik.