İlon Musk niyə "Apple"a müharibə elan etdi?

İlon Musk niyə "Apple"a müharibə elan etdi?

“Twitter”i satın aldıqdan sonra İlon Maskın platforma ilə bağlı radikal qərarları səs-küyə səbəb olur. İndi Maskın hədəfi “Apple”dır. Bəs Mask niyə “Apple”a müharibə elan etdi? “Twitter”ə pul qazandıran hər şeyi tətbiq etmək istəyən milyarderin bu dəfəki hədəfi “Apple”dır. İlon Mask tvitləri ilə “Apple”ı hədəfə aldı və proses məhz bu nöqtədən irəliləməyə başladı. Mask “Apple”ın “Twitter”də reklamını böyük ölçüdə dayandırdığını bildirdi. Eyni zamanda Apple üçün "Amerikada söz azadlığına nifrət edirlər?", “Apple” ın baş direktoru Tim Kuku işarələyərək yazıb. Mask daha sonra "Apple başqa kimləri senzura edib?" deyə tvit paylaşaraq texnologiya nəhəngini "senzuraçı" kimi ittiham edib. Bu tvitlərdən sonra İlon Mask daha bir çox maraqlı və narahatedici paylaşım edib. Maskın sözlərinə görə, Apple “Twitter”i “App Store”dan silməklə hədələyib, lakin niyə etdiyinə dair səbəb bildirməyib. Mask digər tərəfdən, “Apple”ın “App Store”dakı proqramların daxilində edilən hər hansı alış və ya maliyyə əməliyyatından 30 faiz "gizli vergi" aldığını vurğuladı.

Mask Apple ilə mübarizədə qalib gələ bilərmi?

"Gartner"in məlumatına görə, Apple dünya üzrə smartfonların yalnız 16%-ni istehsal etdiyi halda, ABŞ bazarının yarıdan çoxunu idarə edir. "Apple"ın öz proqram mağazası üzərində hökmranlığına son vaxtlar məhkəmə prosesləri və qlobal tənzimləyicilər tərəfindən etiraz edilir, lakin buna baxmayaraq, Apple mobil proqramlar sənayesinin böyük bir hissəsinə effektiv şəkildə nəzarət edir. Apple nəinki bir çox proqramlar üçün abunəlik gəlirlərindən 30% endirim alır, həm də mağazasında qalmaq istəyən tətbiqlərin riayət etməli olduğu nəzarət siyasətini tətbiq edir. Ona görə də Maskın ifadələrində həqiqət və doğruluğun payı əslində güclüdür. Bununla belə, “Twitter”in bu çətin dövrdə Apple ilə döyüşə girməsi və “App Store”dan silinmək təhlükəsi ilə üzləşməsi sosial media üçün yaxşı nəticələnməyə bilər.

Digər tərəfdən, Twitter Blue abunə xidməti ayda 8 dollardır və Musk bu ödənişin yüzdə 30-unu “Apple”a vermək istəmir, bu aydındır. Buna görə də Twitter və Maskın qarşısında başqa bir seçim var. Yəni, “Twitter Blue”nu proqram daxilində deyil, yönləndirmə ilə internet saytından təklif edə biləcək. Bildiyiniz kimi, Netflix də bu yöntəmdən istifadə edir.

 

 

 

 

 

 

 

 

 

 

 

 

 

 

 

 

 

 

 

 

 

 

Şərhlər

Digər xəbərlər