Apple iPhone 16 Pro Max-i təşkil edən hissələrin ümumi maliyyəti bəlli oldu. iPhone ailəsinin ən qabaqcıl modeli, iPhone 15 Pro Max-dən daha baha başa gəlir. Budur detallar.

Apple, bir neçə həftə əvvəl keçirdiyi Wonderlust tədbirində ilin ən gözlənilən smartfonlarından iPhone 16 seriyasını təqdim etdi. TD Cowen adlı bazar araşdırma şirkəti, telefonu təşkil edən hissələrin qiymətini müəyyənləşdirdi.

iPhone 16 Pro Max-in maliyyəti bəlli oldu

Araşdırmaya əsasən, iPhone 16 Pro Max-in istehsalı üçün tələb olunan komponentlərin orta qiymətinin 485 dollar olduğu açıqlandı. Bu rəqəm, əvvəlki flaqman olan iPhone 13 Pro Max ilə müqayisədə 7%-lik (32 dollar) bir artışı göstərir. Qiymət artışına səbəb olan əsas dəyişikliklərin ekran və yeni kamera sistemi ilə bağlı olduğu vurğulanıb.

Müqayisə üçün Apple, yeni seriyadakı iPhone 16 və 16 Plus modellərinin qiymətlərini müvafiq olaraq 799 dollar və 899 dollar olaraq təyin edib. Daha yüksək xüsusiyyətlərə sahib olan iPhone 16 Pro və 16 Pro Max modelləri isə müvafiq olaraq 999 dollar və 1.199 dollar qiymətlərlə satışa çıxıb.

Cədvəldən göründüyü kimi, kamera və ekran avadanlığı iPhone 16 Pro Max-in ən bahalı komponentləri kimi çıxış edir. Belə ki, arxa kamera quraşdırılması modelin ümumi istehsal dəyərinin 16%-ni təşkil edir. Ekran paneli və toxunma ekranı da arxa kamera sistemi ilə eyni qiymətə malikdir. Bununla belə, iPhone 15 Pro Max-in arxa kamera quruluşu 70 dollara, yəni ümumi istehsal dəyərinin 15%-nə başa gəlir.

Maraqlıdır ki, A18 Pro prosessoru, iPhone 15 Pro Max-də olan A17 Pro-dan sadəcə 5 dollar daha bahadır. Yaddaş və saxlama xərclərində isə 5 dollarlıq bir artım baş verib. Daha böyük batareya kimi digər təkmilləşdirmələrin qiyməti isə dəyişməz qalır. Görünür, Apple digər sahələrdəki qənaətlə yüksək komponent qiymətlərinin bir hissəsini balanslaşdırmağı bacarıb.

Həmçinin qeyd edək ki, açıqlanan rəqəmlər yalnız 256 GB yaddaşa malik bir iPhone 16 Pro Max üçün komponentlərin qiymətini əhatə edir. Çünki araşdırmaya montaj, daşınma, patent haqları, proqram təminatının inkişafı, reklam və logistika kimi digər xərclər daxil edilməyib. Bəs siz bu barədə nə düşünürsünüz? Fikirlərinizi aşağıdakı Şərhlər bölməsində bizimlə paylaşa bilərsiniz.