iPhone 15 Pro Max və 16 Pro Max-ın render fotoları paylaşıldı!

Bildiyiniz kimi Apple bu ilin sentyabr ayında maraqla gözlənilən iPhone 15 seriyasını təqdim etməyə hazırlaşır. Standart iPhone 15 modellərində Dynamic Island dəstəyi olacaq, Pro modelləri isə daha böyük variasiyalarda görünəcək. Təqdimat tarixi yaxınlaşan vaxtda iPhone 16 Pro Max və iPhone 15 Pro Max-ı yan-yana gətirən yeni render şəkilləri paylaşıldı.

Daha əvvəl analitiklər Ross Young və Ming-Chi Kuo tərəfindən 2024-cü ilin iPhone modellərinin daha böyük ekrana sahib olacağı iddia edilmişdi. Yeni render görüntülərinin sözügedən dəyişikliyə işıq saldığını söyləyə bilərik. Əslində, bu şəkillər iPhone 16 Pro Max-in iPhone 15 Pro Max ilə müqayisədə nə qədər böyük oluna biləcəyini nümayiş etdirdi.

Məlumatlara görə, iPhone 16 Pro 6,3 düym, iPhone 16 Pro Max isə 6,9 düymlük ekrana sahib olacaq. Şəkillərə baxdığımızda iPhone 16 Pro Max-ın 159,8 mm-dən 165,0 mm-ə yüksələcəyini görürük. Xoşbəxtlikdən, cihaz təxminən 76,7 mm-dən 77,2 mm-ə qədər genişlənəcək. Həmçinin, çıxan xəbərlər iPhone 16 Pro Max-ın “Apple”ın Apple Watch Ultra-a bənzər iPhone 16 Ultra kimi təqdim ediləcəyini göstərir.