Apple şirkəti iPhone smartfonlarında batareyanın tez bitməsinə səbəb olan problemləri həll edən iOS 15.4.1-i yayımladı. Yenilənmə əvvəlki iOS 15.4-də yaranan problemləri aradan qaldırır.

 Apple şirkəti ötən həftələrdə iOS 15.4 yenilənməsini yayımlamışdı. İndi isə iOS 15.4.1 yayımlanıb. Bu yenilənmə ilə istifadəçilərin bir çox problemləri həll olur, həmçinin sistemdəki kritik boşluqlar da aradan qaldırılır. 19E258 kod nömrəli yenilənmə aşağıdakı problemləri həll edir:

1. iOS 15.4-də yaranan batareyanın tez bitmə problemi həll olunub.
2. Brailler cihazlarının text fayllarına baxarkən işləməyi dayandırması problemi həll olunub.
3. Made for iPhone eşitmə cihazlarının bağlantı problemləri aradan qaldırılıb.

 Həmçinin kritik boşluqlar da aradan qaldırılıb. Bu boşluqlar zərərli tətbiqlərin özlərinə məxsus kodları smartfonda istifadə edə bilməsinə imkan verirdi.