WhatsApp tezliklə söhbətin ötürülməsi üçün QR kod seçimini təklif edəcək. Belə ki WhatsApp çatlarını Android-ə köçürmək üçün istifadəçilərin ekrandakı QR kodunu skan etməsi kifayət edəcək. Bu o deməkdir ki, WhatsApp mesajlarını yeni cihaza köçürmək üçün Google Disk nüsxələnməsinə artıq ehtiyac olmayacaq. QR kodu ilə söhbət köçürmə funksiyası keçid prosesini daha asan və daha sürətli edəcək. WhatsApp 2.23.1.26 və 2.23.1.27 beta versiyalarında görünən funksiyadan istifadə etmək çox sadədir. Mesajların köçürüləcəyi köhnə telefondakı QR kodunu yeni telefonda skan etmək kifayət edəcək.

Tezliklə “WhatsApp”a gələcək bu funksiya nəinki söhbətin ötürülməsi prosesini sadələşdirəcək, həm də hazırkı proseslə müqayisədə xeyli sürətli olacaq, çünki şəbəkə üzərindən məlumatların ötürülməsi onu bulud xidmətindən yükləməkdən xeyli sürətlidir. Bu funksiyanın nə vaxt istifadəyə veriləcəyi bəlli deyil. WhatsApp platformalar arasında keçidi xeyli asanlaşdıran funksiyanı 2022-ci ilin iyun ayında təqdim etmişdi.