“WhatsApp” tətbiqində istifadəçilərin özlərinə mesaj göndərməyə imkan verən yeni funksiyası kiçik qrupla sınaqdan keçirildikdən sonra geniş şəkildə istifadəyə verilib. İndi iOS və Android istifadəçiləri öz-özünə mesaj göndərə bilər.

"WhatsApp”ın bu funksiyasından necə istifadə etmək olar?

İstifadəçilərin kiçik faylları və ya qeydləri saxlamasına imkan verən özünə mesaj göndərmək imkanı Telegram kimi tətbiqlərdə var idi. Nəhayət bu funksiya “WhatsApp”a da gəldi. Bəs, “WhatsApp”da özünə mesaj göndərmək istəyənlər üçün yeni funksiya necə istifadə olunacaq.

- Yeni söhbətə başlayın.

- Kontaktlar siyahısının yuxarısında özünüzü seçin

- Siyahının yuxarısında "Özünüzə mesaj göndərin" yazısını görəcəksiniz.

- Özünüzə mesaj göndərin.

- Bir müddət sonra adınızı söhbətlər hissəsində görəcəksiniz.

İndiyə qədər WhatsApp tətbiqinə mesaj göndərmək üçün qrup yaratmaq və əvvəlcə dostlarınızı daxil etmək, sonra isə onları silmək lazım idi. Beləliklə, öz şəxsi qrupunuzu yaradırdınız. İndi isə bu ehtiyac yoxdur.