"WhatsApp"da böyük qüsur: Başqası bütün yazışmalarınızı oxuya bilər

Hər hansı səbəbdən telefon nömrənizi dəyişmisinizsə və əlaqəli WhatsApp hesabını silməmisinizsə, başqası şəxsi WhatsApp mesajlarınızı oxuya və bütün kontaktlarınıza mesaj göndərə bilər. Zəiflik simsiz operatorların köhnə müştərilərin telefon nömrələrini yeni müştərilərə satmasından qaynaqlanır. Əgər yeni telefon nömrəsi almısınızsa, köhnə nömrəniz başqasına satılırsa, bütün yazışmalarınız qrup söhbətləriniz də daxil olmaqla həmin şəxsin WhatsApp proqramına düşməyə başlayır. Bu mərhələdən sonra telefon nömrəsinin yeni sahibi kontakt siyahınızdakı şəxslərə istədikləri kimi mesaj göndərə, həmçinin qrup çatlarınızda iştirak edə bilər.

Whatsapp yazışmalarınızın başqalarının əlinə keçməməsi üçün nə etməlisiniz?

Gələk mövzunun WhatsApp tərəfinə. Şirkət açıqlamasında bunun baş verə biləcəyini etiraf edir, lakin bunun son dərəcə nadir olduğunu bildirir. Şirkətin fikrincə, başqalarının yazışmalarına giriş əldə etmək proqramda təhlükəsizlik qüsuru deyil, daha çox köhnəlmiş nömrələri satan telekommunikasiya operatorlarının problemidir.

Şəxsi məlumatlarını qorumaq istəyən və yazışmalarının başqasının əlinə keçməsini istəməyən istifadəçilərə telefon nömrələrini dəyişdirərkən hesablarını tamamilə silmələri tövsiyə olunur.