WhatsApp cihazlarının əlaqələndirilməsi indi digər smartfon və planşetlərinizə də şamil ediləcək. Beləliklə, siz 4-ə qədər telefonda “WhatsApp”a qoşula biləcəksiniz. Əvvəllər WhatsApp tək telefonda istifadə edilirdi. Bu məhdudiyyət əvvəlcə veb versiyası, sonra isə veb-əsaslı masaüstü proqramları ilə bir qədər yüngülləşdirildi. İndi isə mühüm addım atılır. “WhatsApp”ın ən son beta versiyalarında menyuya yeni imkan əlavə edilib. Bu sayədə 4-ə qədər fərqli Android telefonuna qoşula və proqramın təqdim etdiyi bütün funksiyalardan istifadə edilə biləcək. Yeniləmə yalnız Android proqramında mövcuddur.

Hələki məhdud formada olan digər funksiya Android planşet bağlantısıdır. Belə ki istifadəçilər telefonlarla yanaşı Android planşetini də birləşdirə biləcəklər. Bunun üçün QR kodu oxutmaq kifayət edəcək. Hələ beta versiyada olduğundan bu funksiyasının istifadəçi üçün əlçatan olması gələn ilə qədər çəkə bilər.