Meta-ya məxsus məşhur mesajlaşma proqramı WhatsApp sürətlə inkişaf etməyə və yeniliklər gətirməyə davam edir. Yeni sızmalara görə, WhatsApp yeni funksiyanı sınaqdan keçirir. Bu funksiya sayəsində siz tezliklə Instagram kimi WhatsApp-da da öz avatarınızı yarada bilərsiniz. Bu funksiya Android üçün WhatsApp-ın 2.22.21.3 beta versiyasında aşkar edilib, lakin hələ ümumi istifadəyə verilməyib. Yeni funksiyaya əsasən, WhatsApp parametrlərində konfiqurasiya edilmiş avatar əsasında avtomatik olaraq öz stiker paketinizi yarada biləcəksiniz. Beləliklə, fərdi və ya qrup söhbətlərində fərdi stikerlərinizi göndərə biləcəksiniz.

Bu stikerləri söhbət vaxtı göndərməklə yanaşı öz avatarlarını standart profil şəkli kimi də əlavə edə biləcəklər. Bununla belə, avatar yaratma funksiyası hazırda inkişaf mərhələsindədir və onun nə vaxt istifadəyə veriləcəyi hələ məlum deyil.