WhatsApp statusuna audio (səs) qoymaq mümkün olacaq!

Bu gün WhatsApp status bölməsinə yeni funksiya əlavə etdiyini elan edib. Bu yeniləmə artıq qlobal miqyasda istifadəçilərə təqdim edilib və yaxın həftələrdə “WhatsApp”dan istifadə edən hər kəs üçün əlçatan olacaq. Bəs yeni funksiya nədir? Belə ki, indi statusda səsli mesaj paylaşa bilərsiniz. Səsin uzunluğu 30 saniyəyə qədər ola bilər. Bundan başqa bildiyiniz kimi hər statusa görə məxfilik parametrlərinizi yeniləyə bilirsiniz, yəni statusunuzu kimin görə biləcəyini (və ya eşidə biləcəyini) seçə bilirsiniz.

Status smaylikləri sizə statuslara cavab verməyə imkan verir və bu, keçən il söhbətlərdə reaksiya funksiyası gələndən sonra ən çox tələb olunan xüsusiyyət idi. Yuxarı sürüşdürüb səkkiz emojidən birinə toxunmaqla istənilən statusa tez cavab verə bilərsiniz.

Nəhayət, statuslar indi söhbətlərdə olduğu kimi link önizləmələrini aktivləşdirib. Beləliklə, siz statusunuzda bir keçid yerləşdirdiyiniz vaxt önizləmə avtomatik olaraq görünəcək. Yəni kontaktınızdakı insanlar linkə toxunmazdan əvvəl onun nə haqqında olduğunu biləcəklər.