WhatsApp səsli mesajları mətnə ​​çevirmək funksiyasını test edir!

“WhatsApp”ın səsli mesajları mətnə çevirmək funksiyası ilk dəfə 2021-ci ilin payızında yaradılıb, lakin iş naməlum səbəblərdən dayandırılıb. Ən son gələn məlumatlara görə yenidən tərtibatçılar bu funksionallığı sınaqdan keçirirlər. Yenilik tətbiqin 23.3.0.73 beta versiyasında aşkar edilib. Bu buraxılışda səsli mesajı mətnə ​​çevirmək mümkün olmadıqda ekranda görünəcək məlumat aşkar edilib. Bu qutuda göstərilən səbəblərə nitqin tanınmaması və sistem dilinə uyğun olmayan transkripsiya dili daxildir.

WABetaInfo ekspertləri vurğulayırlar ki, səsli mesajların mətnə ​​çevrilməsi yalnız mobil vrsiyada olacaq və bu məlumatı həmsöhbətlərdən başqa heç kim əldə edə bilməyəcək. Yeni funksiyanın nə vaxt geniş istifadəçilər üçün əlçatan olacağı hələlik bəlli deyil.