WhatsApp rəhbəri Will Cathcart “Telegram”ın istifadəçilər üçün təhlükəsizlik olmadığını bildirir və hər kəsi bu mesajlaşma proqramını tərk etməyə çağırır. Təcrübəli menecer şəxsi “Twitter” hesabından mövzu ilə bağlı fikirlərini bölüşüb. Cathcart "WhatsApp"ın Telegram üzərindəki üstünlüyünü nümayiş etdirmək üçün “Telegram defolt olaraq uçdan-uca şifrələmə ilə qorunmur və qrup söhbətləri üçün E2EE (ucdan-uca şifrələmə) təklif etmir” dedi. O, həmçinin bildirib ki, bu platforma hökumətlər tərəfindən tələb olunan demək olar ki, istənilən həssas məlumatı paylaşmaq imkanına malikdir.

Cathcart həmçinin öz bəyanatında hətta gizli Telegram söhbətlərinin oxunmasına imkan verən zəifliyin aşkar edildiyindən yazan Wired məqaləsinə də istinad edib. "WhatsApp"ın müdiri etiraf edir ki, onun tənqidləri özünü tərif kimi görünə bilər. Bu kontekstdə o, hamını “WhatsApp”a keçməyə dəvət etməyib. 

Başdan sona şifrələmə ilə bir çox başqa əla mesajlaşma vasitələrinin olduğunu deyən Cathcart, "WhatsApp istifadə etməyəcəksinizsə, bunlardan birini istifadə edin, amma Telegramdan istifadə etməyin" deyərək sözünü tamamlayıb.