WhatsApp naməlum nömrədən gələn zəngləri avtomatik söndürəcək

“WhatsApp”da naməlum nömrədən gələn mesajlarla yanaşı, zənglərə də tez-tez rast gəlinir. Məşhur platforma indi arzuolunmaz zəngləri avtomatik söndürən yeni funksiyanı təqdim edir. Yeni məxfiliyə nəzarət seçimi parametrlərdə mövcud olacaq.

“WhatsApp”da tanımadığınız insanların zənglərini avtomatik söndürmək üçün Parametrlər - Məxfilik - Zənglər bölməsinə keçin və "Naməlum zəngləri susdur" seçimini yandırın. WhatsApp kontaktında olmayan nömrədən gələn zəngi avtomatik susduracaq, lakin gələn zəng haqqında bildiriş göndərəcək və onu zənglər siyahısında göstərəcək.

WhatsApp həmçinin məxfilik bölməsinə yeni seçimlər də əlavə edib. “WhatsApp”da sizinlə kimin əlaqə saxlayacağı, şəxsi məlumatlarınız, hesabın qorunması, iki addımlı autentifikasiya kimi müxtəlif məxfilik nəzarətlərindən keçəcəksiniz.