WhatsApp-ın yeni funksiyası yalan xəbərləri ifşa edəcək

WhatsApp istifadəçilərin özləri ilə paylaşılan xəbər şəkilləri və fotoşəkillərin doğruluğunu yoxlamağa kömək edəcək yeni bir funksiyanı sınaqdan keçirir. Bu yenilik, sürətlə yayılan yalan xəbərlərin qarşısını almağa kömək edəcək.

WhatsApp istifadəçilərə söhbətlərdə paylaşılan şəkilləri internetdə axtarmaq imkanı verəcək bir funksiya təqdim edəcək. Bu funksiya ilə istifadəçilər şəkillərin həqiqiliyini tez bir zamanda yoxlayaraq saxta və ya dəyişdirilib-dəyişdirilmədiyini anlaya biləcəklər.

WhatsApp-a yeni “İnternetdə axtar” funksiyası gəlir

Dijital olaraq dəyişdirilmiş şəkillər və yalan məlumatların geniş yayıldığı dövrdə, WhatsApp-ın bu yeni funksiyası istifadəçiləri doğru məlumatlara yönləndirən bir vasitə olacaq. WhatsApp bu xüsusiyyət ilə istifadəçilərin şəkillərin həqiqiliyini yoxlamasını təmin edərək manipulyasiya olunmuş görüntü və şayiələrin yayılmasının qarşısını alacaq və daha etibarlı bir informasiya mühiti yaradacaq.

Yeni funksiyanı istifadə etmək üçün söhbətdə paylaşılan şəkilə toxunub menyudan "İnternetdə axtar" seçmək kifayət edəcək. Bu, ters görüntü axtarışını başladaq və istifadəçi görüntünün etibarlı bir xəbər mənbəyindən olub-olmadığını yoxlaya biləcək.

WhatsApp, bu funksiyanı istəyə bağlı təqdim edəcək və mesaj WhatsApp ilə paylaşılmayacaq. Şəkillər yalnız axtarış məqsədilə Google-a göndəriləcək, WhatsApp tərəfindən yadda saxlanmayacaq, analiz edilməyəcək və ya işlənməyəcək.