WhatsApp-ın gözlənilən çoxlu hesab funksiyası iPhone-lara gəlir

WhatsApp, uzun müddətdir Android platformasında mövcud olan çoxlu hesab funksiyasını artıq iOS istifadəçilərinə də təqdim edir. Artıq  iPhone istifadəçiləri bir telefonda iki WhatsApp hesabı istifadə edə biləcəklər.

WhatsApp, iPhone istifadəçilərinə eyni cihazda bir neçə hesabı idarə etməyə imkan verəcək yeni funksiyanı təqdim etməyə hazırlaşır. WaBetaInfo-nun məlumatına görə, eyni cihazda 2 WhatsApp hesabı istifadə etməyə imkan yaradan funksiya hazırda beta test mərhələsindədir.

Eyni telefonda iki WhatsApp hesabı istifadə etmək mümkün olacaq

WhatsApp, 2023-cü ildə Android istifadəçilərinə təqdim etdiyi çoxlu hesab funksiyasını indi iPhone-lara gətirir. Bu yenilik vasitəsilə istifadəçilər birbaşa tətbiq daxilində bir neçə hesab əlavə edib, onlar arasında rahatlıqla keçid edə biləcəklər.

WhatsApp, fərqli telefon nömrəsi istifadə edərək ikinci hesab yaratmaq imkanı verən WhatsApp Business tətbiqini dəstəkləyir. Lakin bu yenə də iki fərqli tətbiq arasında keçid etmək məcburiyyətini yaradır. 2023-cü ildə Android-də təqdim edilən və hazırda iOS üçün test edilən yenilik, iki telefon nömrəsi olan istifadəçilərin bütün yazışmalarını tək bir tətbiqdə saxlamağa imkan verir.