WhatsApp-da yeni xəta: video göndərmək olmur

“WhatsApp”ın son versiyasında yaranan səhv istifadəçilərin video faylları göndərə bilməməsi ilə nəticələnib. "Video göndərilə bilməz" problemi WhatsApp Android tətbiqinə təsir edir.

WhatsApp-da yeni səhv istifadəçilərin platformada kontaktları ilə video paylaşmasına mane olur. İndiyə qədər edilən şikayətlər göstərir ki, səhv Android üçün WhatsApp proqramında baş verir və iPhone istifadəçiləri heç bir problem yaşamırlar.
 

Xəta WhatsApp Android tətbiqində baş verir

WhatsApp Android istifadəçiləri müxtəlif sosial media platformaları vasitəsilə video göndərə bilməyəcəklərini bildirirlər. İstifadəçilər telefonun qalereyasından və ya Google Fotodan video göndərməyə cəhd etdikdə “Bu video göndərilə bilməz. Fərqli video seçin və yenidən cəhd edin.” formasında bir xəbərdarlıq mesajı ilə qarşılaşırlar. Şəkillər və digər fayl növləri ilə bağlı heç bir problem yoxdur.

Sözügedən xəta WhatsApp-ın həm stabil, həm də beta versiyalarına təsir edir. Ümumi problem olmasa da, səhvlə qarşılaşanların ümumiyyətlə 2.24.9.34 versiyasından istifadə etdikləri məlumdur. Bu xəta ilə qarşılaşanlar üçün həll yolu: WhatsApp 2.24.8.85-ə geri qayıtmaq.