WhatsApp-da qrup söhbətlərinə daha çox istifadəçi qoşulacaq!

Dünyanın ən məşhur mesajlaşma proqramlarından biri olan WhatsApp son illər Telegram və Discord platformalarına görə çoxlu istifadəçi itirib. Buna görə Meta WhatsApp-ın qrup söhbətlərinə diqqətini artırdı və platformaya bir çox yeniliklər əlavə etdi. Şirkət indi qruplardakı istifadəçi sayını yenidən artırmağa hazırlaşır.

WhatsApp-ın Beta versiyasında sınaqdan keçirilir

Keçən ay qrup söhbətindəki istifadəçilərin sayını 512-yə yüksəldən şirkət yenə də sayı artırır. WhatsApp qrupa qoşulacaq istifadəçi sayını 1024-ə çatdıracaq. WhatsApp-ın yeni funksiyası iOS və Android tərəfindən bəzi Beta istifadəçilərində sınaqdan keçirilir, lakin yaxın həftələrdə daha çox istifadəçiyə təqdim olunacaq. WhatsApp qrup istifadəçi limitini 1024-ə çatdırsa da yenə Telegram və Discord platformalarından geri qalır.