WhatsApp, qara temanı sevən istifadəçilərin diqqətini çəkəcək yeni bir interfeysi sınaqdan keçirir. Əgər tətbiqlərdə əsl qara rəngi sevirsinizsə, bu yenilik sizi çox sevindirəcək.

WhatsApp, qaranlıq temanı seçən istifadəçilər üçün yeni tema seçimini təqdim etməyə hazırlaşır. OLED ekranlı telefonlarda tam qara temanı istifadə edənlər üçün bu yeni interfeys hazırda Android platformasında test edilir.

Paylaşılan ekran görüntüsünə əsasən, WhatsApp-ın mövcud qaranlıq moduna nisbətən, interfeys elementləri daha aydın görünəcək və çox daha tünd qara rəngdə olacaq. Məsələn, yeni bir söhbət başlatmaq üçün istifadə olunan yaşıl düymə və Meta AI loqosu mövcud dizayna nisbətən daha aydın görsənəcək.

WhatsApp, AMOLED qara rəng temasını daxili testlərdən keçirir. Yeni qara dizaynın bütün WhatsApp istifadəçilərinə nə vaxt təqdim olunacağı isə hələ məlum deyil.