"WhatsApp"a foto senzura gəlir: Necə işləyəcək?

"WhatsApp"a foto senzura gəlir: Necə işləyəcək?

WhatsApp üçün tez-tez yeniləmələr buraxan Meta son vaxtlar proqrama xüsusi diqqət edir. Məşhur mesajlaşma proqramının masaüstü versiyasına fotoşəkillərin qarşı tərəfə göndərilməzdən əvvəl senzuradan keçməsinə imkan verəcək yeni funksiya əlavə edilib. “WhatsApp Desktop”un 2.2241.2 beta versiyasına fotoları bulanıqlaşdırmaq funksiyası daxil edilib. Funksiya istifadəçilərə fotoşəkili göndərməzdən əvvəl onun istədiyiniz hissələrini gizlətməyə imkan verəcək.

İki bulanıq effekt var

Skrinşotlara əsasən, WhatsApp fotoşəkillərdə bəzi detalları gizlədən iki bulanıq effekt təqdim edəcək. Onlardan biri daha piksellidir. Siz həmçinin bulanıqlıq ölçüsünü seçə biləcəksiniz ki, effekti dəqiqliklə tətbiq edə biləsiniz. Yeni funksiyanın hələlik sınaq mərhələsində olduğu görünür. Hətta proqramın ən son beta versiyasından istifadə edənlər arasında bulanıqlaşdırma funksiyasını hələ də almayanlar var. Bununla belə, şirkətin yaxın günlərdə bu funksiyanı daha çox istifadəçi üçün əlçatan edəcəyi gözlənilir.

 

Şərhlər

Digər xəbərlər