"WhatsApp"a çoxdan gözlənilən həmin funksiya gəlir!

İndiyədək WhatsApp video zənglər ancaq kontaktında olan şəxslər arasında baş tuturdu. Qrupdan kənar və ya dost olmayan kiminsə bu zənglərdən xəbərdar olması mümkün deyildi. İndi bu dəyişir.

WhatsApp Zəng Linkləri nədir?

WhatsApp Zəng Linkləri funksiyası Facetime platforması kimi istifadəçiləri söhbətlərinizə dəvət etməyə imkan verir. Bu istifadəçilərin təkcə "WhatsApp"ı yükləmələri kifayət edir. Dost siyahınızda olmağına ehtiyac yoxdur. Zəng Linkləri göndərildikdə istifadəçinin söhbətində link yaradılır. Bu linkə klikləməklə istifadəçi video və audio zəngə qoşula bilər. Xüsusilə siyahıda olmayan istifadəçilərin söhbətə qoşulması üçün faydalı funksiyadır. Digər tərəfdən fırıldaqçıların linkləri ələ keçirməsinin qarşısı necə alınacaq məsələsi hələ aydın deyil. İlkin mərhələdə hələki linki göndərən şəxsin diqqətli olması tövsiyə olunur. 

Əlbəttə ki, bu funskiya yenilik deyil. Digər danışıq platformaları uzun müddətdir ki, belə funksionallığa malikdir. Ancaq istifadəçi bazasına görə WhatsApp nəhəngdir, buna görə də indi bir çox insan qoşulmaqda çətinlik çəkmədən zənglərdə iştirak edə bilər. Mark Zukerberqin sözlərinə görə, funksiya hazırda test mərhələsindədir və təqdimat vaxtı hələ dəqiq deyil. O, həmçinin WhatsApp-ın tərtibatçı komandasının video zəngə 32 nəfərə yaxın insanın qoşula bilməsini sınaqdan keçirdiyini açıqladı.