WhatsApp Kanallarının Populyarlığını Artıracaq Yeni Funksiya

WhatsApp, kanallara abunə sayı artırmaq üçün QR kod əsaslı yeni bir funksiyanı test etməyə başlayıb. Bu yenilik, istifadə çilərin kanalları daha asan tapmasını və abunə olmasını hədəfləyir.

WhatsApp istifadəçilərə öz kanalları üçün QR kodlar yaratmaq və onları müxtəlif platformalarda paylaşmaq imkanı verir. QR kod vasitəsilə istifadəçilər kanallara birbaşa qoşula bilərlər, artıq linki kopyalamağa ehtiyac yoxdur.

Kanal sahibləri QR kod yaratmaq üçün öz kanallarını açmalı və paylaşım seçimlərinə keçid etməlidirlər. Buradan, kanalları üçün xüsusi bir QR kod yaratmaq imkanı əldə edəcəklər. Yaradılmış QR kodu müxtəlif formatlarda — elektron mesajlar, vizit kartları, afişalar, hətta məhsul qablaşdırmalarında paylaşmaq mümkündür.

Bu yeni funksiya sayəsində kanalların həm rəqəmsal, həm də fiziki şəkildə tanıdılması asanlaşır. WhatsApp-ın bu yeniliyi, kanal sahiblərinə daha geniş auditoriyaya çatmaq imkanı yaradaraq kanallara olan marağı artıracaq. Hazırda bu funksiya yalnız WhatsApp Android beta versiyasında test edilir.