Telegram dünyanın ikinci ən məşhur çat proqramıdır!

Telegram Facebook “Messenger”i ötüb və “WhatsApp”dan sonra dünyanın ikinci ən populyar mesajlaşma proqramı olub. Platformanın yaradıcılarından olan Pavel Durov bu xoş xəbəri Fortune jurnalının paylaşdığı statistika ilə təqdim edib. Qrafikdən göründüyü kimi “WhatsApp”ın qlobal mesajlaşma payı 44%, “Telegram”ın payı isə 31%-ə çatıb və bu fərq getdikcə azalır. Facebook Messenger isə 21% bazar payına malikdir. Pavel Durov Telegram kanalında mövzu ilə bağlı aşağıdakı ifadələrdən istifadə edib:

"Son beş il ərzində Telegram Facebook “Messenger”i keçərək ən populyar bulud əsaslı mesajlaşma proqramına çevrildi. Telegram hazırda “WhatsApp”dan sonra ikinci yerdədir və bu fərqi ildən-ilə azaldır. Təəccüblü deyil ki, rəqiblərimiz narahatdırlar."