Opera Software TikTok platformasını masaüstü brauzerinə inteqrasiya edib. Beləliklə, platformaya ayrıca proqram və ya yeni tab açmadan daxil olmaq olar. Opera çox funksional yan panelə malikdir. Yeni funksiyanı aktivləşdirmək üçün yan paneldə siçanın sağ düyməsini sıxıb parametrlər menyusunu açmaq lazımdır. Messengers bölməsindən “TikTok”u aktiv etdikdən sonra brauzerin sol tərəfində müvafiq seçim görünəcək. "TikTok gülməli, qısa videolarla dolu platformadan əyləncə, xəbər və ilham mənbəyinə çevrildi. Opera istifadəçilərimizin “TikTok”un onların əlinin altında olması ilə bağlı istəklərinə cavab verdi", - Opera məhsul direktoru Joanna Czajka bildirib.

Brauzer vasitəsilə “TikTok”a sürətli giriş kompüterində redaktə etdikləri videoları platformaya yükləmək istəyənlər üçün praktik ola bilər. Operanın yan paneli WhatsApp, Telegram, Twitter və Instagram kimi bir çox platformaya da sürətli çıxışı təmin edir.