Dekabrın 1-də Apple klassik və köhnəlmiş məhsulların siyahısını yenilədi. Şirkətin məlumatına görə, 2013-cü ilin sonunda 21,5 düym və 27 düymlük iMac, 2014-cü ilin ortalarında 21,5 düymlük iMac və 2014-cü ilin sonunda 27 düymlük Retina 5K iMac-lər indi köhnəlmiş “Mac”lar sırasındadır. 5K Retina displeyinə sahib olan ilk iMac Phil Schiller tərəfindən “Bu, onun hazırladığı ən möhtəşəm “Mac”dır. Nəfəs kəsən 14,7 milyon piksellik displey, daha sürətli CPU və qrafika, Fusion Drive və Thunderbolt 2 ilə o, indiyə qədərki ən gözəl və ən güclü iMac” kimi təqdim edilmişdi. Apple həmçinin Apple Watch Series 2 ağıllı saatını klassik məhsullar siyahısına əlavə etdi. 2016-cı ildə təqdim edilən saat ən son watchOS 6.3 yeniləməsini aldı.
Hansı Apple məhsulları klassik və köhnəlmiş hesab olunur?
Apple vintage məhsulları siyahısına 5 ildən çox istehsal olunmayan və 7 ildən köhnə olmayan məhsulları əlavə edir. Bəzi istisnalar olmaqla, şirkət klassik məhsullar sırasında olan cihazları üçün aparat xidmətləri göstərməyi dayandırır. Köhnəlmiş məhsullar sırasına 7 ildən çox istehsalı dayandırılmış məhsullar əlavə olunur.
