“Apple”ın bir sıra yeni proqram və aparatları, xüsusən də “iPhone”lar üçün iOS 17-ni təqdim edəcəyi WWDC 2023-ə cəmi bir neçə gün qalıb. iPhone 15 seriyası həmişə olduğu kimi sentyabrda təqdim olunacaq. Son sızmalar göstərir ki, Apple iPhone 15 Pro seriyasında kiçik təkmilləşdirmələr, ekran və kamera başda olmaqla xüsusi dəyişiklikləri isə iPhone 16 Pro modellərində edəcək.

iPhone 16 Pro Max ən böyük ekranlı iPhone olacaq

Mark Qurman iPhone 16 Pro modellərində ekran ölçüsünün artacağı ilə bağlı iddiaları bir daha gündəmə gətirib. iPhone 16 Pro Max-da daha böyük ekrandan danışırıqsa, periskop kamerası kimi digər komponentlər üçün daha çox yer olacağı deməkdir. Qurmanın sözlərinə görə, iPhone 16 Pro 6,3 düym, iPhone 16 Pro Max isə 6,9 düymlük ekrana sahib olacaq. Bu arada iPhone 16 və iPhone 16 Plus modellərinin ekran ölçüsündə artım gözlənilmir.

iPhone 16 Pro-da kamera texnologiyasının da dəyişəcəyi deyilir. iPhone 16 Pro seriyası periskop telefoto kamerası, 12% daha böyük əsas kamera sensoru kimi təkmilləşdirmələrlə gələcək.