Bir əfsanənin sonu daha gəldi: Youtube Vanced ləğv edilir

 Youtube-un Premium xidmətlərini pulsuz təklif edən Youtube Vanced ləğv edilir. Bu haqda tətbiqin tərtibatçıları məlumat verib. Bir əfsanə proyektin sonu daha gəldi.

 Youtube Vanced tərtibatçılar tərəfindən hazırlanan Youtube-un reklamsız versiyasıdır. Tətbiq hər nə qədər illeqal hesab edilsə də Youtube reklamlarının artması səbəbilə bir çox istifadəçi Youtube Vanced-ə keçməyə başlamışdı. Görünən odur ki, bu sürətli keçid Google rəsmilərini narahat edib. Bu səbəblə tətbiqin tərtibatçıları bildirib ki, Google leqal bir şəkildə onlara bildiriş göndərib ki, Vanced proyekti sonlandırılsın. Əks halda işlər məhkəməyə daşınacaq. Buna görə də tərtibatçılar proyekti ləğv etmək qərarına gəliblər. Rəsmi Telegram qruplarında bildirilən məlumatlara görə yaxın zamanlarda Youtube Vanced-in bütün yükləmə linkləri ləğv ediləcək və tətbiq bir daha yenilənmə qəbul etməyəcək. Bu qərar bir çox istifadəçini məyus etsə də bəziləri bunun ən doğru addım olduğunu düşünür.