Populyar video izləmə servisi Youtube istifadəçilərin şikayət etdiyi tam ekran video izləmə interfeysini dəyişib. Paylaşılan şəkillərə görə yeni interfeys daha sadə və daha funksionaldır.

    Çox video izləyən istifadəçilər Youtube-un mobil tətbiqindən uzun zamandır ki, şikayət edir. Tam ekran video izləmə interfeysi istifadəçilər tərəfindən bəyənilmir. Bu səbəbdən Youtube şirkəti də bu interfeysi yeniləmək qərarı vermişdi. İndi isə paylaşılan şəkillərə görə yenilənmiş interfeys daha sadə və funksional olub. Qeyd edək ki, əslində bu funksiyanı bəzi istifadəçilər artıq 3 aydır ki, istifadə edir. Lakin qlobal olaraq bir çox istifadəçi hələki bu yenilənmiş interfeysi istifadə edə bilmir. Paylaşılan məlumatlara görə Youtube şirkəti bu interfeysi artıq qlobal olaraq bütün istifadəçilər üçün aktivləşdirməyə başlayıb.

    Şəkildən göründüyü kimi tam ekranda video izləyən istifadəçilər artıq videodan çıxmadan like, paylaşım edə bilir. Həmçinin videonu siyahılara əlavə etmək və rəyləri görmək də artıq mümkündür. Yenilənmiş interfeysin ilk olaraq Android istifadəçiləri üçün aktivləşdiriləcəyi bildirilir. iOS istifadəçiləri üçün nə zaman istifadəyə veriləcək hələki məlum deyil. Youtube həmçinin Desktop versiyada da bəzi dəyişikliklər edib.Beləki artıq istifadəçilər maus kursorunu video üzərinə gətirdikdə videonun önizləməsi pop-up menyu kimi göstərilir.

    İllər öncə Google tərəfindən satın alınan Youtube servisi sürətli şəkildə böyüyüb. Hal-hazırda bu platforma bir çox istifadəçi üçün əsas gəlir mənbəyidir. İddialara görə Youtube şirkəti növbəti zamanlarda canlı yayımlar üçün də xüsusi yeniliklər etməyi planlayır. Beləliklə yayımcılar Youtube üzərindən daha rahat və asan canlı yayımlar edə biləcəklər.