Apple şirkətinin növbəti ay 3 yeni Mac cihazı təqdim oluna bilər. Yeni məlumatlar Apple tərəfindən hazırlanan sənədlərdə aşkarlanıb. Təqdimatın 8 Mart tarixində keçirilməsi gözlənilir.

    Apple şirkəti 2022-də bir çox yeni cihaz təqdim etməyi planlayır. Ötən aylarda ortaya çıxan patentlərə görə iPhone SE 3, yeni iPad və AirPods Max 2-nin təqdim ediləcəyi bəlli olmuşdu. İndi isə bu siyahıya 3 yeni Mac komputeri əlavə olunub. Apple tərəfindən hazırlanan EEC sənədlərində 3 yeni Mac cihazı aşkarlanıb. Bu cihazlardan sənədlərdə A2615, A2686 və A2681 olaraq bəhs edilir. İddialara görə Tim Cook tərəfindən təqdim olunacaq Mac cihazları yeni modellər olacaq. Bu modellərdən ikisi iMac Pro və Mac Pro olması təxmin edilir. Üçüncü modelin nə olacağı isə bilinmir. Lakin təxminlərə görə daha böyük ekranlı Mac modeli ola bilər.