Xiaomi şirkəti 2022-də ən az 12 yeni smartfon satışa çıxaracaq

    Çinli nəhəng şirkət Xiaomi-nin bu il ərzində 12 yeni smartfon satışa çıxacarağı iddia edilir. Bunlardan ikisi qatlana bilən smartfon, digər ikisi Xiaomi 12 smartfon seriyasına aid modellər olacaq.

    Hər il onlarla yeni smartfon modelini satışa çıxaran Xiaomi üçün bu il fərqli olmayacaq. İddialara görə şirkət bu il ən az 12 yeni smartfon modelini istifadəçilərə təqdim edəcək. Dəqiq məlumatlar verməsi ilə tanınan Digital Chat Station-a görə Xiaomi kodları içində 12 ədəd yeni smartfonun kod adı aşkarlanıb. Bu smartfonların nələr olacağına aid bəzi təxminlər də var.

    Verilən məlumatlara görə “munch”, “rubens”, “matisse” və “fog” kod adlı yeni smartfonlar Redmi K50 seriyasına aid modellər olacaq. Bu seriyaya K50, K50 Pro, K50 Pro Plus və K50 Gaming Edition modelləri aid olacaq. Bu smartfonların Snapdragon 870, Dimensity 8000 və Dimensity 9000 prosessorları ilə təchiz olunacağı təxmin edilir. Redmi K50 seriyasının Fevral ayının ortasında və sonlarında təqdim edilməsi gözlənilir.

    “thor” və “loki” kod adlı smartfonların Snapdragon 8 Gen 1 prosessorunu istifadə edən və kameraya fokuslanan smartfonlar olacağı iddia edilir. Həmçinin bu modellər Xiaomi 12 seriyasına daxil olacaq. “light” və “thunder” kod adlı smartfonların isə Xiaomi Mi Mix Flip və Xiaomi Mix Fold 2 olması təxmin edilir. Bundan başqa “zizhan”, “zijin”, “taoyao” və “opal” kod adlı modellər Snapdragon 7 seriyasından prosessorlar ilə təchiz ediləcək və Xiaomi 12 Lite seriyasına daxil olacaq