Xiaomi Mi Band 7 haqqında ilkin məlumatlar ortaya çıxıb

 Xiaomi-nin satışa çıxarmağa hazırlaşdığı Mi Band 7 haqqında ilk məlumatlar ortaya çıxıb. Ağıllı qolbağın yeni funksiyaları Amazfit Zepp tətbiqinin kodları içində aşkarlanıb.

 Xiaomi-nin ən məşhur cihazlarından biri Mi Band qolbağlarıdır demək olar. Bir il öncə satışa çıxan Mi Band 6-nın satış rəqəmləri şirkəti bir xeyli məmnun etmişdi. İndi isə növbəti model olan Mi Band 7 satış üçün hazırlanır. Məlumatlara əsasən yeni qolbaq əvvəlki modelə nəzərən daha böyük ekrana malik olacaq. Mi Band 6-nın ekran ölçüləri 152 x 486 piksel idi. Mi Band 7-də isə 192 x 490 piksel olacaq. Həmçinin Amoled ekrandan istifadə ediləcək. Yeni qolbaq smartfonlarda da olduğu kimi “Hər zaman açıq ekran (Always On Display)” funksiyasını dəstəkləyəcək. Bundan başqa Mi Band 7 qolbağında daxili GPS sensorları istifadə ediləcək. Beləliklə istifadəçilərin uzun zamandır tələb etdiyi funksiya artıq qolbaqlarda olacaq. Qolbaqda Ağıllı Alarm və Gücə Qənaət rejimi də olacaq. Bununla birlikdə Mi Band 7 daha çox batareya saxlaya biləcək. Ağıllı qolbağın nə vaxt satışa çıxacağı hələki bilinmir. Lakin bu il ərzində Xiaomi tərəfindən təqdim edilməsi gözlənilir.