Xiaomi Hindistan MIUI 13 yenilənməsini verəcəyi 10 modeli açıqladı

    Xiaomi şirkəti ötən Dekabr ayında MIUI 13 yenilənməsini Çində təqdim etmişdi. İndi isə Xiaomi Hindistan bu yenilənməni verəcəyi 10 modeli açıqladı. Qeyd edək ki, bu siyahıya 2022-nin 1.rübündə yenilənmə veriləcək cihazlar daxildir.

    Xiaomi Hindistan dünən MIUI 13 üçün yeni yol xəritəsi açıqlayacağını bildirmişdi. Yəni bu yenilənməni hansı cihazların hansı tarixdə alacağı paylaşılacaqdı. Bu gün bu siyahı istifadəçilər ilə paylaşılıb. MIUI 13 yenilənməsini ilkin olaraq 10 model alacaq. Siyahıya daxil olan modellər gələn ayın sonundan MIUI 13 yenilənməsini yükləyə biləcəklər. Xiaomi Hindistan-ın verdiyi məlumata görə 6 ədəd 11 seriya smartfon ( 4 ədəd Mi 11 seriyasından model və 2 ədəd Xiaomi 11 seriyasından model) və 4 ədəd Redmi smartfonu bura daxildir.

1. Xiaomi Mi 11 Lite
2. Xiaomi Mi 11 Ultra
3. Xiaomi Mi 11X
4. Xiaomi Mi 11X Pro
5. Xiaomi 11T Pro
6. Xiaomi 11 Lite NE 5G
7. Xiaomi Redmi Note 10 Pro Max
8. Xiaomi Redmi Note 10 Pro
9. Xiaomi Redmi Note 10
10. Xiaomi Redmi 10 Prime

    Xiaomi Hindistan-ın CEO-su olan Manu Kumar Jain bildirib ki, MIUI 13 yenilənməsi 4 əsas xüsusiyyəti ilə fərqlənəcək. Optimizasiya edilmiş sistem yaddaşı səbəbilə effektivlik 60% artacaq. Həmçinin Ram optimizasiyalarına görə arxaplanda tətbiqlərin işləməsi 40% yaxşılaşdırılıb. Bütün bu optimizasiyalara görə MIUI 13 yenilənməsində smartfonlar 10% daha yaxşı batareya saxlayacaqlar.