Xiaomi öz elektromobilinin ilk prototipini təqdim etməyə hazırlaşır

 Xiaomi-nin rəsmiləri bildirib ki, elektrikli avtomobillərinin ilk prototipi bu ilin üçüncü rübündə təqdim olunacaq. Həmçinin şirkət rəsmiləri iddia edir ki, prototip istifadəçilərin gözləntisini bir xeyli qarşılayacaq.

 Elektrikli avtomobillərin son illərdə məşhurlaşması ilə birlikdə bir çox şirkət bu bazara girməyə çalışır. Növbəti illərdə artıq benzin, diezel istifadə edən avtomobillərin qadağan ediləcəyi gözlənildiyi üçün markalar indidən bu bazardan öz payını tutmaq istəyir. Bunlardan biri də Xiaomi şirkətidir. Xiaomi-nin Pekin-Tianjin CEO-su olan Luo Baojun bildirib ki, şirkətin ilk elektromobilinin birinci prototipi bu ilin üçüncü rübündə göstəriləcək. Şirkət hələ ötən ilin Mart ayında elektrikli avtomobil istehsal etməyi istədiyini bildirmiş və 1.57 milyard dollar investisiya ilə Xiaomi Automobile Co. adlı özünün alt brendini təsis etmişdi. Lei Jun liderliyində gələcəyin elektrikli avtomobili üçün araşdırmalar və təkmilləşdirilmələrin aparılması üçün 500 işçi işə qəbul olunub. My Drivers-a görə Xiaomi Automobile illik 300 min elektromobil istehsal edə bilən bir zavod qurmağı planlayır. Yeni zavod mərhələli olaraq il ərzində 150 min maşın istehsal edə biləcək. Şirkətin smartfon departamentinin Xiaomi Automobile ilə batareyalar, görüntü cihazları, logistika və proqram təminatı haqqında sıx əlaqədə olduğu bildirilir. Xiaomi-nin ilk elektromobilinin satış üçün 2024-ün ilk yarısında istehsal ediləcəyi bildirilən məlumatlar arasındadır.