Xiaomi şirkəti özünün yeni Xiaomi Civi 2 smartfonu üzərində işləyir. Ötən il təqdim olunan Xiaomi Civi modeli həm performans, həm qiymət olaraq istifadəçilər tərəfindən bəyənilmişdi. İndi isə şirkət bu uğurlu modelinin davamçısını hazırlayır.

 Digital Chat Station tərəfindən verilən məlumatlara görə Xiaomi şirkəti Xiaomi Civi 2 smartfonu üzərində işləyir. Orta seqment smartfonlar arasında yerləşən Xiaomi Civi smartfonu 120 Hz OLED ekran, Snapdragon 778G, 55W sürətli şarj və 64 MP kimi texniki parametrlərə malik idi. Verilən məlumata görə Civi 2 modeli bu smartfonun sadəcə prosessor tərəfində yenilənmiş versiyası olacaq. İlk modeldə istifadə edilən Snapdragon 778G prosessorunun daha güclü versiyasını istifadə edən Xiaomi Civi 2 smartfonu prosessor və videoqrafik performansı olaraq ilk modeldən 20% daha güclü olacaq. Həmçinin Xiaomi-nin MİUİ 13 interfeysi ilə qutudan çıxması planlanan Xiaomi Civi 2 smartfonunun digər parametrləri ilk model ilə eyni olacaq.

Qeyd edək ki, bu məlumatlar sızıntıdır. Yəni rəsmi olaraq Xiaomi tərəfindən hələ təsdiqlənməyib. Smartfonun çıxış tarixi və qiyməti hələki bəlli deyil.