Xiaomi şirkəti ötən il rekord sayda smartfon satışı edib. Həmçinin MIUI istifadəçi sayı artıb və reklamlardan yüksək qazanc əldə edib.

 Smartfon ekosistemində zirvəyə doğru addımlayan Xiaomi şirkəti ötən il 190 milyon smartfon satıb. Bu da 2020-ci ilə nisbətən 30% artım deməkdir. Şirkət indiki satış rəqəmlərindən çox məmnun olduğunu bildirib. Premium seqmentdə 24 milyon smartfon satılıb. Bu rəqəmlər də 2020-ə nəzərən 160% artım deməkdir. Şirkətin ümumi gəlirləri isə 2021-ci ildə 51 milyard dollara çatıb. Bu da Xiaomi-nin gəlirlərini 33.5% artırıb deməkdir. Həmçinin dənizaşırı ölkələrdən 25 milyard dollar gəlir əldə edilib. Şirkət ümumi olaraq 37.2% böyüyüb. Bu böyümə 1 il üçün çox ciddi rəqəmlər hesab edilir. Xiaomi-nin satdığı smartfonların ortalama qiyməti isə 172 dollar edib. Bundan başqa şirkət MİUİ interfeysində istifadəçilərə göstərdiyi reklamlardan 2.8 milyard dollar əlavə gəlir qazanıb. Hal-hazırda şirkət ən çox satış edən və ən çox gəlir əldə edən smartfon markaları arasında yerləşib.