Xiaomi-nin yeni smartfonları 150W sürətli şarjı dəstəkləyə bilər

 Xiaomi yaxın zamanlarında yeni smartfonlarında 150W sürətli şarjı dəstəkləyə bilər. Redmi K50 smartfon modelini təqdim edən şirkət artıq 120W sürətli şarjı istifadəçilərə təqdim edib. İndi isə bu rəqəm 150W-a çıxa bilər.

 Digital Chat Station tərəfindən verilən məlumatlara görə şirkət Redmi K50 Gaming Edition və Redmi K50 Pro+ modellərində artıq 120W və 100W sürətli şarjı istifadəçilərə təqdim edib. Beləki, şirkət 6c cüt hücrəli batareyalardan istifadə edən şirkət bunu mümkün edə bilib. Bəhs edilən smartfonlar 17 dəqiqə ərzində 100% şarj ola bilir. Paylaşılan bir digər məlumat isə odur ki, şirkət bununla yetinməyəcək və 150W sürətli şarj oluna bilən smartfonlar da istehsal edəcək. Beləliklə smartfonlar 17 dəqiqədən daha az müddətə 100% şarj ola biləcəklər. İddialara görə yeni texnologiya Xiaomi 12 Ultra modelində istifadə olunacaq.

 Qeyd edək ki, bir çox istifadəçi bu texnologiyanı hələ də sorğulayır. İstifadəçilər iddia edir ki, sürətli şarj texnologiyaları smartfonların batareyasının ömrünü qısaldır. Bu səbəbdən bir çox istifadəçi smartfonlarının ayarlarından sürətli şarjı söndürür. Lakin smartfon istehsalçıları bildirir ki, bu heç də onların düşündüyü kimi deyil. Sürətli şarj texnologiyasının batareyanın ömrünə təsiri çox minimal səviyyədədir. Hal-hazırda bu texnologiyanın istifadə edilməsində lider olaraq Çinli şirkətlər yerləşir. Apple, Samsung kimi markalar hələ də ən çox 50W-a qədər sürətli şarj texnologiyasından istifadə edirlər. Amma buna baxmayaraq çinli şirkətlər bu texnologiyalara yatırım etməyə davam edirlər.