Xiaomi 13 Ultra-nın qiyməti 1600 manatdan başlayacaq

Smartfon bazarının aparıcı adlarından biri olan Xiaomi, Xiaomi 13 ailəsinin ən məşhur modeli Xiaomi 13 Ultra-nı təqdim etməyə hazırlaşır. Təqdimatla bağlı bir çox sızıntı 18 aprel tarixinə işarə edir, cihazın qiyməti də getdikcə bilinməyə başlayır.

Bu gün Weibo-da paylaşılan yeni görüntü Xiaomi 13 Ultra-nın üç fərqli versiyada təqdim ediləcəyini göstərir: 8GB RAM + 256GB, 12GB RAM + 256GB, 12GB RAM + 512GB yaddaş. Beləliklə, Xiaomi 13 Ultra-nın qiyməti nə qədər olacaq? Bu üç model üçün qiymət etiketləri:

Xiaomi 13 Ultra 8GB+256GB = 1600 manat (916 dollar)

Xiaomi 13 Ultra 12GB+256GB =  1700 manat (990 dollar)

Xiaomi 13 Ultra 12GB+256GB =  1900 manat (1,090 dollar)

Xatırlasaq, Xiaomi 13 Ultra-nın 16 GB-a qədər RAM və 1 TB-a qədər yaddaşa malik olduğu iddia edilirdi. Ancaq belə bir modelin hələ siyahıya alınmadığını görürük. Paylaşılan qiymətləri hesablasaq, deyə bilərik ki, 16GB+1TB versiyası təxminən1163 dollara başa gələcək.

Xiaomi 13 Ultra gözlənilən xüsusiyyətlər

Məlumatlara görə, Xiaomi 13 Ultra 6,7 ​​düymlük E6 AMOLED ekrana, ekranın altındakı barmaq izi oxuyucusu, Quad HD+ həlli və 120 Hz təzələmə tezliyinə malik olacaq. Başlıq altında LPDDR5x RAM və UFS 4.0 yaddaşı ilə birləşdirilən cihaz Snapdragon 8 Gen 2 platforması ilə təchiz ediləcək.

90W sürətli şarj dəstəyi ilə 4900mAh batareya və MIUI 14 əsaslı Android 13 əməliyyat sistemi ilə qutudan çıxacaq Xiaomi 13 Ultra-nın kamera tərəfində əhəmiyyətli təkmilləşdirmələr olacağı gözlənilir. Yayılan xəbərlərə görə, ön tərəfdə 32 meqapiksellik selfi sensoru ilə təchiz ediləcək cihazı 1 düymlük Sony IMX989 əsas və IMX 858 köməkçi sensorları müşayiət edəcək.