Çindən sızan məlumatlara görə, qarşıdan gələn Xiaomi 12 Ultra flaqman smartfonu elan edilməmiş Sony IMX989 kamera sensoruna sahib ilk cihaz olacaq.

 Mənbəyə görə, Sony təxminən 1 düym ölçülü 50MP IMX9 seriyalı yeni sensoru elan etməyə hazırlaşır. Bu sensor qarşıdan gələn Xiaomi 12 Ultra smartfonunda istifadəyə veriləcək. Xiaomi 12 Ultra-nın 2K təsvir ölçüsü, 120 Hz yeniləmə tezliyi və LTPO 2.0 texnologiyası təklif edən 6,73 düymlük E5 AMOLED displeylə gəlməsi gözlənilir. Cihazın həmçinin Snapdragon 8 Gen 1 Plus çipsetinə və 120x zoom-a əlavə olaraq OIS ilə 50MP + 48MP + 48MP təsvir təklif edən üçlü arxa kameraya sahib olacağı ehtimal edilir. 120 Vt sürətli şarj dəstəyi və 4900 mAh batareya ilə çıxması gözlənilən smartfon Android 12 əməliyyat sistemi ilə qutudan çıxacaq. Xiaomi 12 Ultra-nın 2022-ci ilin ikinci rübünün sonunda təqdim ediləcəyi deyilir.