Xiaomi 12 Ultra qiyməti ilə cib yandıracaq: 1000 Avro

Xiaomi 12 Ultra qiyməti ilə cib yandıracaq: 1000 Avro

   2022-ci ilin ikinci yarısında Avropada satışa çıxması gözlənilən Xiaomi 12 Ultra modelinin 1000 avroya satılacağı bəlli olub. Qeyd edək ki, bu qiymət başlanğıc qiymətidir. Yaddaş seçimlərinə görə qiymət daha da artacaq.

  Xiaomi şirkəti keçən ilin sonunda Xiaomi 12, Xiaomi 12 ProXiaomi 12X olmaqla 3 yeni smartfon modeli təqdim etmişdi. Şirkət indi də bu seriyaya yeni bir model əlavə etməyə hazırlaşır. Ancaq rəsmi çıxış tarixi hələki bəlli deyil. Çinli sosial media şəbəkəsi Weibo-da Xiaomi 12 Ultra modeli ilə bağlı bəzi məlumatlar ortaya çıxıb. Şirkətə yaxın mənbələrin verdiyi məlumata görə Xiaomi 12 Ultra modeli 2022-nin 2.yarsında satışa çıxacaq. Həmçinin bu model Xiaomi 12 Pro modelindən daha güclü və daha bahalı olacaq. Yeni model Çin Avropada satışa çıxacaq. İddialara görə Xiaomi 12 Ultra smartfonu Snapdragon 8 Gen 1 prosessorunun daha təkmilləşdirilmiş versiyasını istifadə edəcək. TSMC tərəfindən istehsal ediləcək bu prosessor Snapdragon 8 Gen 1 Plus və ya Snapdragon 8 Gen 2 olaraq adlandırıla bilər.

  Bundan başqa yeni smartfonun 5X optik yaxınlaşdırma edə bilən periskop kamera sistemi istifadə edəcəyi bildirilir. Xiaomi 12 Ultra-nın Çin bazarında 940 dollardan, Avropada isə 1000 avrodan satışa çıxması gözlənilir. 

Şərhlər

Digər xəbərlər