Xiaomi 12 seriyasının qlobal satış qiymətləri bəlli oldu: iPhone ilə eyni qiymət

 Xiaomi 12, 12X və 12 Pro modellərinin qlobal satış qiymətləri bəlli olub. Çin xaricində satılacaq cihazlara ciddi miqdarda vergi əlavə edilib.

 Ötən ilin son günlərində təqdim edilən Xiaomi 12 seriyası qlobal bazarda satışa çıxarılmağa hazırlanır. Dünən keçirilən təqdimat zamanı bu cihazların qlobal bazarda hansı qiymətə satılacağı bildirilib. Qlobal versiya ilə Çin versiya arasında heç bir fərq olmamasına baxmayaraq qlobal qiymətlərə ciddi miqdarda vergilər əlavə edilib. Bu səbəbdən Xiaomi 12, 12X və 12 Pro-nun qlobal bazarda satış qiyməti Çin bazarındakı qiymətindən 30% daha baha olacaq. Xiaomi 12 modeli 750 dollardan, 12 Pro modeli 999 dollardan və 12X modeli isə 649 dollardan satışa çıxacaq.