Xiaomi-nin yeni smartfonu Xiaomi 12 Lite smartfonunun dizaynı və parametrləri bəlli olub. Şirkətin Xiaomi 12 seriyasının yeni üzvü bənzər dizaynda amma fərqli parametrlərdə satışa çıxacaq.

 Xiaomi şirkəti ötən Dekabr ayında Xiaomi 12 flaqman smartfon seriyasını təqdim etmişdi. Xiaomi 12, Xiaomi 12X və Xiaomi 12 Pro-dan ibarət olan bu seriyaya yeni bir modelin əlavə olunması gözlənilir. Xiaomi 12 Lite smartfonu adlandırılmasında Lite sözü olmasına baxmayaraq Xiaomi 12-dən daha böyük olacaq. Parametr tərəfində isə şirkətin digər modelləri ilə bənzərliklər daşıyacaq. Bu smartfonun ekranı yanlardan qıvrımlı olacaq və 6.55 düym ekranla təchiz ediləcək. Xiaomi 12 modelinin 6.28 düym olduğunu nəzərə alsaq Xiaomi 12 Lite smartfonunun daha böyük olacağını demək mümkündür. Smartfon 3 kameraya malik olacaq və əsas kamera 64 MP Samsung İSOCELL GW3 sensoru ilə təchiz olunacaq. Lakin smartfonun heç bir kamerası OİS dəstəyinə malik olmayacaq. Kameralarda OIS dəstəyinin olmaması smartfonun daha büdcə dostu rəqəmlər ilə satıla bilməsini təmin etməkdir.

 Paylaşılan digər məlumatlara görə Xiaomi 12 Lite smartfonu 120 Hz dəstəyi olan 6.55 düym Full HD+ Amoled ekran istifadə edəcək. Snapdragon 778G Plus prosessoru ilə təchiz olunan model stereo dinamiklərə malik olacaq. Android 12 və MİUİ 13 istifadə etməsi gözlənilən model Xiaomi CİVİ ilə bir xeyli bənzəyir. Smarfonun satış qiyməti və təqdimat tarixi hələki bəlli deyil.