Xakerlər Wormhole şəbəkəsindən 320 milyon dollar dəyərində kriptovalyuta oğurladı

Xakerlər Wormhole şəbəkəsindən 320 milyon dollar dəyərində kriptovalyuta oğurladı

    Xakerlər, Solona və digər şəbəkələr arasında körpü rolunu oynayan Wormhole şəbəkəsindən 320 milyon dollar dəyərində Ethereum oğurlayıblar. Mərkəzsiz kriptovalyuta bazarının ən böyük ikinci hack hadisəsi baş verib.

    Gecə saatlarında kriptovalyuta bazarına dərindən təsir edən bir hadisə baş verdi. Solona şəbəkəsi və digər kriptovalyuta birjaları arasında körpü rolunu oynayan Wormhole şəbəkəsində böyük bir hack hadisəsi oldu. Beləki şəbəkədən 120 min ədəd Ethereum kriptivalyutası oğurlanıb. Oğurlanan kriptovalyutanın dəyəri 321 milyon 888 min dollardır. Hadisəni öyrənən Wormhole şirkəti hal-hazırda bütün şəbəkəni dayandırıb və Xakerlərə oğurlanan kriptovalyutanın qaytarılması üçün 10 milyon dollar təklif edib. Təklifə cavab gəlib gəlmədiyi bilinmir. Qeyd edək ki, platforma hal-hazırda 12 saatdır ki, bağlıdır. Platformanın nə vaxt açılacağı hələki bilinmir. Wormhole rəsmiləri bildirib ki, hal-hazırda təhlükəsizlik işləri davam edir və mümkün olan ən qısa vaxtda platforma təkrar istifadəyə veriləcək. Lakin bu açıqlamanın üzərindən artıq saatlar keçib, lakin hələki bir məlumat yoxdur. Bundan daha əvvəl bir hack hadisəsi daha baş verib.

    Bu hadisə Avqust 2021 tarixində olmuşdu və xakerlər Poly Network-a hücum edərək 600 milyon dollar dəyərində kriptovalyuta oğurlamışdı. İndi isə bənzər bir hadisənin təkrarlanması kriptovalyuta birjalarının təhlükəsizlik üçün gedəcəyi yolun uzun olduğunu göstərir. Həmçinin kriptovalyutaların hər il daha da məhşurlaşdığını görən şirkətlər yatırım etməyə başlayıblar. Bu səbəbdən birjalar xakerlərin əsas hədəf nöqtəsinə çevrilib. 

Şərhlər