Microsoft şikayətləri cavabladı: Yenilənmələr üçün ən az 8 saat internet bağlantısı lazımdır

    Windows yenilənmələri ilə bağlı çox şikayət alan Microsoft açıqlama verib. Beləki Microsoft rəsmiləri bildirib ki, Windows yenilənmələrini problemsiz yükləmək üçün cihaz ən az 8 saat internet bağlantısı ilə təmin olunmalıdır.

    Windows 11-in təqdimatından sonra Microsoft şirkəti yenilənmələr ilə əlaqəli bir çox şikayət almağa başlayıb. Bu şikayətlərdən bezən şirkət rəsmi açıqlama ilə bildirib ki, yenilənmələrin problemsiz yüklənməsi üçün ən az 8 saat internet bağlantısı lazımdır. Bildiyimiz kimi Windows yenilənmələri Windows Update üzərindən yüklənir və qurulur. Microsoft şirkəti cihazların Windows Update servisinə bağlı olub olmadığını xüsusi parametr ilə izləyir. Şirkətin rəsmilərindən olan David Guyer bildirib ki, analizlərinə görə yenilənmələrin problemsiz yüklənilməsi üçün minimum 8 saat internet bağlantısı lazımdır. Həmçinin cihazın aktiv şəkildə işləməsi də bura daxildir. David Guyer həmçinin deyib ki, bu tələbləri ödəməyən cihazlar yenilənmələri problemsiz şəkildə yükləyə bilmir və bu da istifadəçilərə müəyyən problemlər yaradır.

    Bu açıqlamanın üzərinə bir çox istifadəçi narazıçılıq bildirib. İstifadəçilərin dediklərinə görə yenilənmələr üçün bir çoxunun 8 saat vaxtı olmur. Həmçinin cihazlarının 8 saat aktiv işləməsi elektrik qiymətlərinə də təsir edir. Anlaşılan Microsoft yenə istifadəçiləri əsəbləşdirə bilib. Qeyd edək ki, Windows 10-dakı problemləri tam həll edə bilmədən Windows 11-i yayımlayan şirkət bir çox tənqidə məruz qalmışdı. Həmçinin Windows 11 də hal-hazırda bir çox problemə malikdir.