Windows 11 üçün Android tətbiq dəstəyi yaxın zamanda gələcək

Windows 11 üçün Android tətbiq dəstəyi yaxın zamanda gələcək

 Windows 11-in ən iddialı funksiyası olan Android tətbiq dəstəyi yaxın zamanda gələcək. Beləliklə istifadəçilər Android tətbiqləri smartfona gərək qalmadan Windows 11 istifadə edən komputerlərinə quraşdıra biləcəklər.

 Microsoft şirkəti Windows 11-i təqdim edərkən ən iddialı funksiya olaraq Android tətbiq dəstəyinin olacağını bildirmişdi. Bunun üzərinə bütün istifadəçilər bu funksiyanı səbirsizliklə gözləyirdi. Lakin Windows 11 istifadəçilərə göndəriləndə bu funksiyanın olmadığı bəlli oldu. Bu səbəbdən Microsoft şirkəti də bir çox tənqidlərə məruz qaldı. Amma şirkət bu funksiyanın bu ilin birinci yarısında Windows 11-in ilk böyük yenilənməsi ilə istifadəçilərə veriləcəyini bildirdi. İndi isə artıq bəzi regionlarda istifadəçilər Android tətbiqləri öz Windows 11-li komputerlərində istifadə edə bilirlər.

 Lakin Android tətbiqlərdən danışsaq da istifadəçilər tətbiqləri yükləmək üçün Google Play Store yox, Amazon App Store proqramını istifadə etməli olacaqlar. Beləliklə Android tətbiqlərin yeni marketi Amazon-un istehsalı olan App Store olacaq. İndilik sadəcə ABŞ istifadəçilərinə açılan yeni funksiya Amazon App Store üzərindən 1000-ə yaxın Android tətbiqi yükləməyə imkan verir. Qeyd edək ki, bütün tətbiq kataloqu hələ hazır deyil, amma başlanğıc üçün bir xeyli yaxşı saydır. Həmçinin istifadəçilər yüklədikləri Android tətbiqləri əlavə pəncərələrdə proqramlar kimi açıb istifadə edə bilirlər. Windows 11-in ilk ən böyük yenilənməsi ilə birliktə yenilənmiş NotePad proqramı, yenilənmiş Media Player proqramı və bir çox optimizasiyanı əldə edəcəklər.



Şərhlər

Digər xəbərlər