AdDuplex tərəfindən yayımlanan statistakaya görə Windows 11-in istifadəçi sayı artır. Paylaşılan məlumatlara görə Windows 11-in istifadə edənlərin sayı 20%-ə çatır.

 AdDuplex şirkəti Windows ekosistemini ələ alan yeni statistika yayımlayıb. Yayımlayan reportlara görə Windows 11-in istifadəçi sayı sürətlə artır. Həmçinin Windows 10-un son versiyası olan 21H2-ni istifadə edənlərin də sayında ciddi artım var. Reportlar onu göstərir ki, Fevral ayında Windows 11-i istifadə edənlərin sayı 19.3% olub. Bu da ötən aya nəzərən 3.2-lik artım deməkdir. Ən çox istifadə edilən Windows versiyası isə 27.5% pay ilə Windows 10 21H1 olub. AdDuplex şirkəti bu məlumatları 5 mindən daha çox Microsoft Store proqramından toplayıb. Anketdə istifadə edilən komputer sayının 60 mindən çox olduğu bildirilir. Qeyd edək ki, Windows 11 həm dizaynı, həm zəif funksionallığı səbəbilə bir çox istifadəçi tərəfindən tənqid edilmişdi. Lakin görünən odur ki, Microsoft şirkəti səhvlərindən dərs çıxarıb və etdiyi optimizasiyalar ilə yeni istifadəçilərə Windows 11-i sevdirə bilib. Yaxın zamanda Android tətbiqlərini istifadə etmək üçün yeni funksiyalar əldə edən əməliyyat sistemi növbəti aylarda DirectStorage dəstəyini də alacaq. Bu dəstəklə birliktə oyunlar artıq Windows 11-də daha performanslı işləyəcək. Bu da gamer istifadəçilərin bir xeyli səbirsizliklə gözlədiyi bir funksiyadır.