Ən populyar mesajlaşma tətbiqlərindən biri olan WhatsApp təkmilləşməyə davam edir. Ən böyük rəqibi olan Telegram-da bir çox funksiya varkən WhatsApp daha sadə funksiyalara malikdir. Lakin görünən odur ki, istifadəçilərin şikayət və tələbləri nəzərə alınıb.

               WhatsApp tətbiqinin Beta versiyasında ortaya çıxan funksiyaya görə artıq istifadəçilər səsli mesajları arxa planda dinləyə biləcəklər. Yəni səsli mesajları söhbət ekranından çıxaraq dinləmək mümkün hala gələcək. İndiki halda səsli mesajları dinləmək üçün tətbiqin çat ekranında gözləmək lazım olur. Bu da uzun səsli mesajlarda istifadəçilərə çətinliklər yaradır. Funksiyanın yaxın zamanlarda bütün istifadəçilər üçün aktivləşdirilməsi planlanır.